Este portal web únicamente utiliza cookies propias con finalidade técnica, non recaba ni cede datos de carácter persoal dos usuarios sin o seu coñecemento. Sin embargo, contén ligazóns a sitios web de terceiros con políticas de privacidade alleas á de Emalcsa que vostede poderá decidir se acepta ou non cando acceda a eles.
Pode obter máis información, ou ben coñecer como cambiar a configuración do seu navegador, na nosa Política de cookies
Aceptar Denegar Configurar
Sala de prensa

Sala de prensa

Emalcsa presenta os programas formativos para este curso 2022-2023 coa auga como protagonista

Noticias |

Un ano máis, e superando xa a década, Emalcsa volve presentar os seus programas formativos para o curso 2022-2023 co obxectivo de ensinarlle aos nenos e nenas a importancia da auga desde unha visión integrada co medio ambiente e a sociedade.

A programación vai dirixida aos centros educativos da cidade de A Coruña e a súa área metropolitana (Arteixo, Bergondo, Cambre, Carral, Culleredo, Oleiros e Sada), que forma parte do sistema que se abastece desde Cecebre.

Nesta ocasión son tres as propostas que se ofertan aos colexios dentro do ámbito das ciencias, a tecnoloxía e artes plásticas:

  • Debuxando a natureza
  • A auga nun minuto
  • A auga non para

Poderá participar o alumnado desde infantil ata secundaria, dependendo de cada proxecto. O prazo de inscrición remata o próximo luns, 31 de outubro, e a implementación das actividades desenvolverase durante todo o curso escolar.

Os participantes poden inscribirse a través do correo electrónico  divulgación@emalcsa.es ou chamando ao 689 637 627.

Os requisitos e bases de participación publicaranse proximamente na nosa páxina web.

 

CATEGORÍAS E PREMIOS

Debuxando a natureza

A través deste concurso, no que Emalcsa colabora co Grupo Naturalista Hábitat, preténdese que as persoas participantes coñezan a flora e fauna existentes no espazo protexido de Cecebre e as concas dos ríos Mero e Barcés.

Cada clase participante terá que realizar un mural onde estean presentes as especies animais e vexetais (Emalcsa enviará un listado das mesmas) e remitir unha fotografía do mesmo. Hai dúas categorías: educación primaria e secundaria.

Premios: as gañadoras e gañadores desfrutarán dunha excursión guiada ao encoro de Cecebre ademais dun agasallo para cada membro.

A data límite de entrega da fotografía dos murais é o 31 de marzo de 2023.

 

A auga nun minuto

Este proxecto nace con motivo do Día Mundial da Agua, que se celebra o 22 de marzo. Utilizando o lema das Nacións Unidas para conmemorar esta xornada, as persoas participantes deberán gravar unha peza audiovisual sinxela sobre a temática en cuestión abordada desde calquera perspectiva: educativa, música, artística, etc.

Hai dúas categorías: educación infantil e primaria, por unha banda, e secundaria por outra.

Premios: as gañadoras e gañadores recibirán unha cámara de vídeo e un regalo para cada participante.

A data estimada de lanzamento do lema da ONU 2023 é o mes de xaneiro e os vídeos deberán entregarse antes do 31 de marzo.

 

A auga non para

Este concurso de preguntas e respostas, impulsado por Emalcsa e a Reserva da Biosfera Mariñas Coruñesas e Terras de Mandeo, ten por obxectivo dar a coñecer a procedencia da auga que se consume na cidade de A Coruña e arredores: o seu percorrido, os procesos polos que pasa, etc.

O proxecto desenvolverase a través da implementación da actividade ‘O xogo da gota’, que contempla unha participación online e presencial cun obradoiro previo realizado na propia aula do centro da man dun técnico de Emalcsa.

Poderá participar o alumnado de 5º e 6º de primaria. Os equipos finalistas recibirán un agasallo e poderán desfrutar dunha excursión guiada ao encoro de Cecebre.

A data de envío de implementación irá de xaneiro a abril do próximo ano e a final celebrarase o 12 de maio.

  • 'A auga non para' 2021
  • 'A auga non para' 2021

Últimas noticias

Completado o primeiro ciclo da FP DUAL de Técnico Superior en Xestión de Auga +

Completado o primeiro ciclo da FP DUAL de Técnico Superior en Xestión de Auga

O pasado 11 de agosto as instalacións de EMALCSA acolleron o último seminario técnico enmarcado no período de prácticas do alumnado que cursou o ciclo de FP DUAL de Técnico Superior en Xestión de Auga no CEIP Universidade Laboral de Culleredo. Esta formación, pioneira en Galicia, foi unha aposta de EMALCSA para mellorar a oferta educativa nun sector con moita demanda e con escasa oferta en España.

 

O seminario, relacionado coa análise dun proceso de contratación público vinculado a unha concesión de servizo de auga dun concello, foi o derradeiro dentro dun compendio de actividades que se levaron a cabo durante os dous anos de duración do ciclo e no que colaboraron empresas privadas e entidades públicas como a Universidade de A Coruña, colaborando con esta última a Cátedra EMALCSA-UDC para a coordinación de diversas iniciativas.

 

Durante estes dous anos o alumnado desenvolveu a súa formación teórica no centro escolar e as prácticas en EMALCSA. Así, durante dous períodos de seis meses levaron a cabo actividades en todos os departamentos da empresa para coñecer, de primeira man, o funcionamento de todo o proceso de xestión da auga.

 

No primeiro ano do curso, nove estudantes estiveron no almacén de EMALCSA, no departamento de redes de distribución da compañía de augas, na ETAP da Telva e tamén na área de Instalacións Interiores. Neste último caso aprenderon sobre a problemática das novas subministracións así como da normativa técnica relacionada coas instalacións de contadores e reformas.

 

No segundo ano os sete alumnos que continuaron coa formación pasaron dúas semanas en Atención ao Público, coñeceron os procesos de xestión e regulación da lectura dos contadores, participaron na área de Facturación e Cobro e na de Administración e Contabilidade, aprenderon sobre mantemento electromecánico, sistemas de monitorización ou control de calidade e tamén desenvolveron parte da súa formación no departamento de I+D+i.

 

Seminarios, viaxes, encontros dixitais, visitas ou colaboración con outras entidades públicas e privadas son algunhas das actividades e proxectos que complementaron este ciclo de  FP DUAL de Técnico Superior en Xestión de Auga.

Cástor Eduardo Maduro, galardoado na 3ª edición dos Premios Cátedra Emalcsa-UDC +

Cástor Eduardo Maduro, galardoado na 3ª edición dos Premios Cátedra Emalcsa-UDC

A Sala de Prensa do Paraninfo Universidade da Coruñ acolleu hoxe a terceira edición dos Premios Cátedra Emalcsa-UDC, cuxo obxectivo é recoñecer o mellor Traballo Fin de Máster de temática relacionada cos sistemas de auga urbana elaborado por estudantes e graduados da UDC no curso académico 2021-2022.

No acto estiveron presentes a alcaldesa da Coruña, Inés Rey; o vicerreitor da UDC, Salvador Naya; o director xeral de Emalcsa, Jaime Castiñeira; e o director da Cátedra Emalcsa-UDC, Moisés Canle.

Nesta ocasión, entregouse un recoñecemento a Cástor Eduardo Maduro, estudante do Máster Universitario en Enxeñería da Auga, polo seu traballo ‘Development and Field Testing of a Metal Membrane Passive Sampler for the Determination of Organic Contaminants in Surface and Wastewaters’.

O xurado coincidiu en que con esta investigación desenvolveu unha excelente análise dunha solución con potencial para realizar mostras pasivas de contaminantes orgánicos con vistas á protección das masas de auga.

Así mesmo, tamén se outorgou un accésit ao estudante do Máster Universitario en Informática Industrial e Robótica, Carlos Leira Castro, polo seu traballo ‘Integración de sensores con distintas tecnoloxías de comunicación IoT para a maqueta Medusa’.

O proxecto foi valorado positivamente polo xurado ao propoñer unha solución con capacidade para simular situacións que se poidan dar na rede de distribución de Emalcsa e detectar potenciais problemas.

Nos vindeiros días anunciarase a convocatoria da cuarta edición destes premios.

EMALCSA repara de forma urxente a rotura dunha tubaxe na Avenida da Pasaxe +

EMALCSA repara de forma urxente a rotura dunha tubaxe na Avenida da Pasaxe

 

EMALCSA tivo que intervir de urxencia na mañá de hoxe, 10 de xullo, tras recibir o aviso dunha rotura nunha tubaxe na Avenida da Pasaxe. A incidencia produciuse debido a unhas obras alleas á Empresa Municipal de Augas de A Coruña nunha urbanización en Alfonso Molina.

Técnicos da compañía desprazáronse ata o lugar dos feitos tras ser notificados da incidencia, ao redor das 10:15 horas, procedendo de inmediato a illar o tramo afectado con válvulas de seccionamento correspondente.

Desde EMALCSA estase a traballar para poder restablecer a subministración de auga no edificio situado na rúa Luis Pita, á altura da rotonda con Alfonso Molina. No mesmo, e debido á rotura, víronse afectados algúns garaxes e trasteiros, situación que está sendo xestionada pola empresa causante da incidencia.

Como consecuencia das obras realizadas na xornada de hoxe para poder seguir mantendo o servizo de subministración poderían darse episodios de turbidez da auga durante os vindeiros días.

 

EMALCSA participa na simulación dunha activación das sirenas de aviso á poboación na presa de Cecebre +

EMALCSA participa na simulación dunha activación das sirenas de aviso á poboación na presa de Cecebre

EMALCSA participou na mañá de hoxe na simulación dunha rotura na presa de Cecebre, simulacro organizado pola Xunta para comprobar o funcionamento das sirenas de aviso á poboación adscritas a 39 presas con Plan de Emerxencia.

Para esta iniciativa posta en marcha durante este xoves e venres, a entidade autonómica contou coa colaboración dos titulares das infraestruturas. Na proba de hoxe, ademais de persoal propio de EMALCSA, participaou persoal dependente da Consellería de Medio Ambiente e Augas de Galicia, así como de Protección Civil de Cambre.

Os principais obxectivos destes actos foron revisar as propias sereas, garantir a súa operatividade e que a poboación da zona recoñeza o son en caso de situación de  emerxencia.

En Galicia hai actualmente 45 plans de emerxencia de presa aprobados. Os obxectivos que se perseguen con este tipo de plans é ter definidas as estratexias para facer fronte a situacións que comporten risco de rotura ou avaría grave, coñecer as zonas que quedarían anegadas en caso de rotura e ter previstos os sistemas de aviso tanto á poboación, como aos organismos xestores de Emerxencias.